Posted by erikvanyan | Posted in Մայրենի 6-րդ դասարան | Posted on April 25, 2024
- Տրված բառերի բաղադրիչները գծիկով բաժանի՛ր: Բոլոր բառերի վերջին բաղադրիչներն ի՞նչ նմանություն ունեն:
Հեռագիր, հարթավայր, լրագիր. գետաձի, մեծատառ, նստատեղ, առագաստանավ:
Հեռագիր-հեռ(ու)+ա+գիր
հարթավայր-հարթ+ա+վայր
լրագիր-լուր+ա+գիր
գետաձի-գետ+ա+ձի
մեծատառ-մեծ+ա+տառ
նստատեղ-նստ(ել)+ա+տեղ
առագաստանավ+առագաստ+ա+նավ
Բոլոր բառերի վերջին բաղադրիչները միավանկ բառեր են։
2. Տրված գոյականները դարձրո՛ւ հոգնակի և տեղադրի՛ր նախադասությունների մեջ:
- Անգղ, կեղտաջուր, աստղ, գետաձի, հեռագիր, ճակատամարտ:
- Երկնքում մեկ-մեկ վառվեցին աստղերը, ամեն ինչ լռեց:
- Հին զինվորը հիշում է բոլոր ճակատամարտերը, որոնց ինքը մասնակցել է:
- Ցրիչը մեկ ժամում բոլոր հեռագրերը բաժանեց:
- Միայն անգղերն (անգղներ) էին սավառնում այդ բերդի վրա:
- Հետո գետաձիերը դուրս եկան ջրից ու, լայն բացելով ահռելի երախները, խոնարհվեցին հանդիսատեսներին:
- Կեղտաջրերը ամեն օր գետն են լցվում ու հոսում դեպի ծով:
3. Տրված բառերը դարձրո՛ւ հոգնակի և տեղադրի՛ր նախադասությունների մեջ:
Սուզանավ, ծովախորշ, լողափ, մանր, ծովափիղ, արկղ:
- Ծովափղերը ավելի փոքր են, քան բծավոր փոկերը:
- Փոկերն ափից շատ հեռու չեն գնում, մեծ մասամբ լողափերի ու գետաբերանների մոտ են հանդիպում:
- Խորտակված սուզանավերի անձնակազմերը փրկելու համար հատուկ սարք են ստեղծել, որն անվանում են Մոմսենի փրկարար զանգ:
- Այս ու այն կողմ թափթփված արկղերը հուշում էին, որ երեկոն սովորական ավարտ չի ունեցել:
- Մայրը խոշոր ելակներն ընտրեց մուրաբայի համար, իսկ մանրերով տորթը զարդարեց:
- Մարդկանց շնաձկներից պաշտպանելու համար հատուկ ցանցեր են դրել Հարավային Աֆրիկայի, Ավստրալիայի, Մեքսիկական ծոցի բոլոր ծովախորշերի երկարությամբ:
4. Փակագծերում տրված բառերը պահանջվող թվով դի՛ր (եզակի կամ հոգնակի) և համապատասխանեցրո՛ւ նախադասությանը:
Կան ջրային … («խուզարկու»), … (որ) … (ծով) ու … (օվկիանոս) … (գանձ) են որոնում: Հայտնի են հեքիաթային … (հաջողություն): Վագներն իր … (ընկեր) հետ Ֆլորիդայի … (ափ) մոտ խորտակված իսպանական… (նավ) ավելի քան միլիոն դոլար … (արժեք) … (գանձ) է գտել: Բայց ավելի մեծ … (թիվ) են կազմում այնպիսի … (որոնող), … (որ) չեն կարողանում նույնիսկ … (որոնում) … (ծախս) փակել:
Կան ջրային «խուզարկուներ», որոնք ծովերում ու օվկիանոսներում գանձեր են որոնում: Հայտնի են հեքիաթային հաջողություններ: Վագներն իր ընկերների հետ Ֆլորիդայի ափի մոտ խորտակված իսպանական նավում ավելի քան միլիոն դոլար արժեքի գանձեր է գտել: Բայց ավելի մեծ թիվ են կազմում այնպիսի որոնողները, որոնք չեն կարողանում նույնիսկ որոնումների ծախսերը փակել։
5. Կետերը փոխարինի՛ր փակագծերում տրված բառերից կազմված համապատասխան գոյականներով:
Լաբիրինթոս նշանակում է խճճված դրություն, որից դուրս գալը կապված է դժվարությունների հետ: Հին հույները, եգիպտացիներն ու հռոմեացիները լաբիրինթոս անվանում էին այն կառույցները , որոնք ունեին բազմաթիվ խճճված սենյակներ ու անցումներ։
Ըստ հունական ավանդույթի՝ հրաշագործ արվեստագետ Դեդալոսը մի այնպիսի լաբիրինթոս է կառուցում Կրետե կղզում, որտեղ մտնողն այլևս ելքը չի գտնում: Այդ լաբիրինթոսում Կրետեի Մինոս թագավորը բանտարկում է մարդու գլուխ և ցուլի մարմին ունեցող ահռելի Մինոտավրոսին:
6. Կետերը փոխարինի՛ր փակագծերում տրված բառերից կազմված համապատասխան գոյականներով:
Օվկիանոսի խորքերում՝ խորջրյա նստվածքներում հաճախակի հանդիպում են շնաձկան ատամներ, որոնք շատ կայուն են քայքայման նկատմամբ: Երբեմն գտնում են կետի ականջի ու ձկան ոսկորներ, բայց ամբողջական կմախքները շատ հազվադեպ են, քանի որ միացությունների քայքայումը խորքից մեծանում է:
7. Բարդեցրո՛ւ պարզ նախադասությունը՝ ավելացնելով տրված բառերով կապվող նախադասություններ:
Եվ, եթե, որովհետե, թեև, իսկ:
Մարդը ջրի տակ մեկ րոպեից ավել չի կարող մնալ:
Մարդը ջրի տակ մեկ րոպեից ավել չի կարող մնալ,որովհետև շնչահեղձ կլինի։
8. Յուրաքանչյուր շարքից մեկ բառ ընտրի՛ր և կազմի՛ր բառակապակցություններ: Ստացված կապակցությունների մեջ ո՞ր բառերն են փոփոխվում:
Ա. Ծով, կյանք, ընկեր, լեռ, տարի, գիշեր:
Բ. Մինչև, մասին, առանց, մեջ, բացի, հանուն, փոխարեն
Ծովի մեջ-Ծով
կյանքի մասին-կյանք
Բացի լեռից-լեռ
Մինչև գիշեր
Հանուն ընկերոջ –ընկեր
Տարվա փոխարեն-տարի